Seðlabankinn

Svo bætist gjaldþrot Seðlabankans við. Hver gleymdi að taka það með í reikninginn?

Kostnaðurinn 406 milljarðar

Nýtt bankamannamál: Fært úr banka

Hvernig „færir“ maður úr banka?

1. Tekur út eigin peninga

2. Tekur út peninga sem bankinn lánaði

3. Tekur út annarra peninga = STELUR

Hvað af þessu var gert? 

32 milljarða millfærslur

Ragnar er sárasaklaus

Það er sárt og niðurlægjandi að sjá skrif á bloggsíðum um að Ragnar Önundarson sé siðblindur maður. Hann er alveg saklaus og hefur ekkert illt af sér gert.

Hið sanna í málinu er að það voru tvær skúringakonur, önnur hjá Visa og hin hjá Eurocard sem eru sökudólgarnir. Þannig var að þær voru nágrannakonur og fóru að hittast yfir kaffibolla á morgnana. Eins og gengur töluðu þær stundum um vinnuna, þegar þær voru búnar að þrautræða hvað kallarnir þeirra væru leiðilegir og óduglegir að skaffa. Þær báru dálítið saman bækur sínar um hvernig best væri að þrífa þessi fyrirtæki.

Ragnar, sem er betur gefinn og siðavandari en gengur og gerist, komst að þessu bralli kellinganna og sá strax í hendi sér að hér væri um ólöglegt samráð að ræða. Hann var því tilneyddur að koma þessari erfiðu vitneskju sinni til Samkeppniseftirlitsins. -En Páll Gunnar Pálsson misskildi málið, enda hefur hann ekki burði til að taka á málum af þessu tagi og verður því að víkja. 

Talið er að Ragnar verði næsti forstjóri Samkeppniseftirlitsins, ef tekst að koma Páli Gunnari frá. 

Krefst afsagnar forstjórans

Framtakssjóður í gíslingu?

Ef Ragnar sér ekki ástæðu til að segja sig úr stjórn Framtakssjóðs Íslands hljóta þar til bær stjórnvöld að kippa honum úr stjórninni - og vera fljót að því!

Ætlar ekki að segja sig úr stjórn Framtakssjóðs

ESB váin

Bókstafstrú og túarofstæki eru hættuleg fyrirbrigði. Hvortveggja þrífst á Íslandi í ýmsum myndum. Ein birtingarmyndin er afstaða sumra einstaklinga og hópa til aðildar að Evrópusambandinu. Þar á meðal eru aðilar innan samtaka bænda sem tala af ofstæki gegn aðild að Evrópusambandinu.

Auðvitað hefur fólk mismunandi skoðanir á Evrópusambandinu og hvort við eigum að vera innan vébanda þess í framtíðinni. Ég velti því fyrir mér hvers vegna samtök bænda eru svo hatrömm gegn aðildarferlinu. Er það ótti við breytingar eða óttast þau að missa völd og áhrif eins og LÍÚ?

Bændasamtökin gerðu bændastéttinni mest gagn með því að fylgjast með aðildarferlinu, hjálpa til við undirbúninginn til þess að ná sem bestu fram í samningi við ESB. Svo er það þjóðin sem ákveður hvað hún vill þegar kemur að þjóðaratkvæðagreiðslu um samninginn.

Þessar hugleiðingar eru til komnar vegna góðrar greinar sem Þröstur Haraldsson, fyrrverandi ritstjóri Bændablaðsins ritar í Fréttablaðið og hægt er að nálgast á visir.is 

 

  

 

 

Eru fleiri týndir?

Hvar er Davíð í þessari fallegu sögu?

Forsetinn er týndi sonurinn

Ég er ekki að skilja þetta!

Ég viðurkenni að ég botna ekkert í því sem þarna er skrifað. Er þýðingin eitthvað beygluð eða er þessi frægi hagfræðingur bara að bulla?

Krugman: Krónan sýnir gildi sitt

Ég vil stjórnlagaþing!

Játa að ég skil ekki alveg hvað menn eru að fara með því að búa til eitthvað stjórnlagaráð - mér finnst það óráð.

 

Við eigum að kjósa til stjórnlagaþings um leið og við kjósum um Icesafe, 9. apríl.

 

Halda stjórnmálamenn að þjóðin sé ekki nógu vel gefin til að geta höndlað kosningar um hvorutveggja?  

Þjóðin skiptir engu - taka 2

„Formaður flokksins stígur það skref, sem er mjög óvenjulegt tel ég, fyrir foringja í stjórnarandstöðu, að standa bara nákvæmlega með því sem hann telur rétt fyrir þjóðina.“ Þetta sagði Ólöf Nordal, varaformaður Sjálfstæðisflokksins, í þættinum Í býtið á Bylgjunni í morgun. Afritað úr DV.is 

Er ekki alveg öruggt að hún mismælti sig? En þetta er dálítið í ætt við það sem ég bloggaði í gær „Þjóðin skiptir engu“. 

Þjóðin skiptir engu

Með ólíkindum er að formaður og hluti af forystu Sjálfstæðisflokksins ætli að samþykkja síðasta ICESAVE samninginn. Engu skiptir innihaldið í þeim samningi, en með þessu eru Sjálfstæðismenn að hlaða undir og styðja lélegustu ríkisstjórn sem vitað er um á byggðu bóli. 

Eitthvað þessu líkt hafa ýmsir stjórnmálamenn og stjórnmálaskýrendur látið hafa eftir sér.

Hagur okkar, þ.e. þjóðarinnar, skiptir engu máli. Öllu skiptir að skjóta ríkisstjórninni ref fyrir rass og helst að koma henni frá og komast að kjötkötlunum.  

Ég er ekkert hissa á að þjóðin hafi lítið álit á "stjórnmálamönnum".