Svo segir af Sjálfstæðisflokki

Ég beið spenntur eftir blaðamannafundi Sjálfstæðismanna í dag. Handviss um stórfréttir, t.d. að tekist hefði að klóna einn af seðalbankastjórunum og klónninn hraðfrystur til síðari nota. Mér fannst það fallegt þegar Þorgerður og Geir birtust í dúnmjúku pluss sófasetti Flokksins.

Nei, ekki enn búið að klóna, en skilaboðin frá Flokknum voru engu að síður merkileg: Landsfundur í janúarlok og Evrópunefnd, sem þó er ekki Evrópunefnd heldur margar nefndir sem eiga að finna lýðræðið og eitt og annað smálegt í leiðinni.

Þetta er ekki alveg það sem þjóðin þarf á að halda núna. Hún þarf skýr skilaboð. Ruglið og bullið sem komið hefur frá stjórnvöldum undanfarnar vikur eru með þvílíkum eindæmum, að ekki er að undra reiði fólks - og vonleysi. Stjórnvöld eru margsaga um flest og fólk steinhætt að trúa því sem sagt er, jafnvel þótt satt sé.

Ég óttast róstursama helgi og vaxandi skálmöld. 

 

Athugasemdir

[Jóhann Elíasson, 15.11.2008 kl. 04:05]

Eins og við var að búast, kom ekkert út úr þessum blaðamannafundi.  Það virðist vera sérgrein Geirs Haarde að halda blaðamannafundi um ekki neitt.  Ég tek undir hvert orð í þessari grein.

[Þórarinn Þ Gíslason (IP-tala skráð) 15.11.2008 kl. 06:41]

Sæll Ión Ragnar.

Ég er sammál ykkur báðum, að vísu er ég allveg með þetta í æð hvaða að gera og verður gert (var í útréttingum). Að heyra þetta... þá leynast einhverjir bitar sem að koma sér vel. En lýsingin á uppákomunni var eins og værir verið að tala um væntanlega hvítvoðunga sem enginn gæti ( að sálfssögðu ) sagt fyrir hvernig yrðu.

En ég held að þetta hafi verið umsókn um FREST.

Kærleikskveðjur

Fylgjumst með deginum ádag.