Greiðum Icesafe með rafmagni - Með bros á vör!

Nú þurfum við að fara að viðurkenna staðreyndir og horfast í augu við blákaldan raunveruleikann:Íslenska þjóðin ber ábyrgð á Icesafe hamförunum. Við leyfðum þessu að gerast. Margir brugðust í þessu máli, t.d. stjórnendur Landsbankans, eftirlitsaðilar, stjórnkerfið og stjórnmálamenn okkar í heild.

Þótt ég eða þú hafi ekki verið viðriðnir/viðriðin gjörninginn, þá berum við sem hluti af íslensku þjóðinni ábyrgð.

Erum við þeir aumingjar að segja öðrum þjóðum: þetta er ekki okkur að kenna, viðurkennið að þið voruð höfð af fíflum, en þið eigið samt að bera virðingu fyrir okkur, eiga viðskipti við okkur og lána okkur peninga þegar við þurfum,  en við ætlum ekki að borga þetta Icesafe.

Hugmynd Friðriks Hansen Guðmundssonar um að greiða Icesafe skuldina með rafmagni er verulega spennandi og jákvætt innlegg í umræðuna.

Það eru miklar líkur á að endurgreiðsla á Icesafe verði drápsklyfjar á þjóðinni, en með þessari leið myndum við slá fleiri flugur í einu höggi - Og standa upprétt og stolt eftir.

Sjá nánar á bloggi Friðriks.

Athugasemdir

[Hörður Halldórssson (IP-tala skráð) 4.7.2009 kl. 12:23]

       Held að þetta sé ekki tæknilega mögulegt því við notum ennþá sömu tækni í straumflutningum og síðan aldamótin 1900.                        (háspenntur riðstraumur fluttur í kopar )       Hvar er ofurleiðnin sem menn voru að tala um fyrir 20 árum ?

[Baldur Gautur Baldursson, 8.7.2009 kl. 14:44]

Rosalega er þetta góð hugmynd!  Okkur munar ekkert um nokkur kilóvöttin...   Leggjum kapal til Evrópu framhjá kjarnorkuverunum og greiðum skuldir okkar þannig.  Síðan getum við búið til vetni, og selt hæstbjóðenda (þótt lítið siðlaust væri).   :)