Lög um seðlabanka

Þarf það virkilega að taka 63 þingmenn Alþingis vikur að breyta lögum um Seðlabanka Íslands?

Eru þeir að smíða fyrstu lög í heiminum um seðlabanka?

Er ekki enn búið að finna upp hjólið? 

Jóhanna forsætisráðherra vitnaði í lög 36 seðlabanka.

Það er til nokkuð sem heitir copy og paste. Hafið þið aldrei heyrt um það, þingmenn góðir? 

Hvers konar þjóðfélag er þetta eiginlega? 

 

Davíð réði - Davíð rekur

Auðvitað ræður Davíð hvernær hann hættir.

Því að:

HANN réði sjálfan sig í Seðlabankann

ergo

HANN einn getur sagt sér upp. 

 

Davíð segir ekki af sér

Frímerkjalaust í Seðlabanka

Hvaða fjas er þetta eiginlega?

Ekki hissa á að bréf berist ekki frá Davíð. Það er ekki af hroka. Það er ekki af yfirlæti. Það er ekki af því honum finnist hann eineltur af Jóhönnu.

Það er af því að síðustu krónur Seðlabankans fóru í burðargjöld fyrir bréfin tvö frá hinum bankastjórunum.

Seðlabankinn er því gjaldþrota og verður boðinn upp eins og hvert annað gjaldþrota fyrirbæri. 

Eiríkur og Ingimundur hafa svarað

Steinhissa á þér

Geir!

Fram að þessu hef ég borið virðingu fyrir þér, vegna þess að þú hefur alla jafna verið kurteis og lítið tekið þátt í skammast-stjórnmálum.

Nú þegar þú ert að hætta í stjórnmálum tekur þú upp á því að bulla. Þú hefur fallið í áliti hjá mér - og mörgum öðrum.

Ég óska þér alls góðs í framtíðinni og fullum bata. 

Geir: Stjórnuðust af hatri

Fall er fararheill

Vonandi að frekar skrautleg fæðing þessarar starfsstjórnar gefi fyrirheit um gott gengi.

Þið eigið erfitt og óvinsælt verk fyrir höndum.

Gangi ykkur allt í haginn - gleymið ekki að þjóðarheill er í veði. 

Lofum engum kraftaverkum

Sandkassaleikur

Hvaða bull er eiginlega í gangi.

Auðvitað var það deginum ljósara að Framsóknarflokkurinn hefur líf væntanlegrar minnihlutastjórnar í hendi sér. -Annars  væri ekki verið að tala um minnihlutastjórn.

Vinnubrögð Framsóknar finnst mér forkastanleg. Búið að fresta miðstjórnarfundi til sunnudags (átti að vera í fyrramálið). Sögur komnar á kreik um að flokkseigendafélagið og Davíðskjarninn í Sjálfstæðisflokknum reyni að koma á meirihlutastjórn.

Hér eru leiknar pólitískar refskákir. Skammist ykkar og komið á starfhæfri bráðabrigðastjórn strax. Þjóðfélagið er að hruni komið og þjóðin óttast um sinn hag.

Eitt er deginum ljósara: Ef Framsóknar- og sjálfstæðisflokkur mynda stjórn sýður endanlega upp úr hjá þesari þjóð. 

Telur forsendur fyrir stjórn

Biðlaun

Stjórn Samfylkingarinnar í Rangárvalla- og V-skaftafellssýslu hefur þessa skoðun á biðlaunamálum. Hún hefur komið þeim á framfæri við fjölmiðla og við þingmenn sína.

Hvað finnst ykkur?

„Flestir íslenskir launþegar hafa þriggja mánaða uppsagnarfrest hjá vinnuveitendum sínum. Þetta á því við um þorra þeirra 12.800 manna og kvenna sem nú eru orðin atvinnulaus og einnig þá sem næstu mánuði munu missa atvinnu sína.

Undanfarna daga hafa fjölmiðlar greint frá biðlaunakjörum nokkurra háttsettra embættismanna íslenska ríkisins sem eru verulega frábrugðin kjörum hins almenna launþega þegar til starfsloka kemur.

Vegna efnahagsástandsins og með tilliti til jafnréttissjónarmiða hvetur Samfylkingin í Rangárvalla- og V-Skaftafellssýslu þá embættismenn, sem kunna að missa vinnu sína og hafa biðlaunarétt umfram þrjá mánuði, að nýta einungis þrjá mánuði og þeir sem betur mega sín afsali sér öllum biðlaunarétti. Til að gefa gott fordæmi hvetjum við
sérstaklega ráðherra Samfylkingarinnar sem nú láta af embætti, að nýta sér ekki biðlaunaréttinn.

Til að tryggja jafnrétti hjá öllum launþegum skorum við á Alþingi að setja lög sem taki á þessu jafnréttismáli og verði þau hluti af neyðarlögunum“.

 

 

Nú er uppreisn

Nú er að sjóða upp úr og allt að verða vitlaust. Daglegar fréttir af skandalmálum og skuldum útrásarmanna, sem okkur er gert að greiða, eru að trylla þjóðina. 

Sjávarútvegurinn, sem við héldum að kæmi okkur til bjargar, er gjaldþrota eins og þjóðfélagið. Kvótaeigendur hafa veðsett kvótann -ætlast til að við borgum. Nú er lag að ná kvótanum aftur til þjóðarinnar. 

Ríkisstjórnin ræður ekkert við ástandið. Hún ásamt bankakerfinu öllu, Fjármalaeftirlitinu og Alþingi er rúin trausti. Alþingi, sem tekur sér mánaðar jólafrí og skeggræðir um sölu á áfengi í verslunum meðan Reykjavík brennur og þjóðinni blæðir út.

Það er alveg borin von að þessi ríkisstjórn geti byggt upp nýtt þjóðfélag á rústum þess, sem nú er hrunið. Það verður að kjósa.

Við þurfum neyðarstjórn STRAX. Neyðarstjórn, sem starfar þar til búið er að búa til nýja stjórnarskrá, breyta kosningalöggjöf o.fl. Alþingi verður að setja lög um skipan stjórnlagaþings sem sér um þessa lagasetningu. Eftir tvennar kosningar er hægt að taka nýja stjórnarskrá í notkun og þar með stofna 2. lýðveldið á Íslandi. 

Stjórnmálaflokkar og stjórnmálamenn eru ekki hátt skrifaðir hjá þjóðinni. Sumir tala um að henda gömlu flokkunum og stofna nýja. Ég hygg að betri leið sé að fá nýtt fólk til forystu í flokkunum. Það dugar heldur engin kattarþvottur eins og Framsóknarflokkurinn heldur að hann komist upp með. Sjálfstæðisflokkurinn er illa brenndur og ekki er langt í að Samfylkingin skaðbrenni, ef hún gerir ekkert.

Samfylkingin getur ekki og má ekki starfa lengur í þessari ríkisstjórn, annað er ávísun á enn meiri upplausn. Hún getur tekið forystu um nauðsynlegar breytingar á þjóðfélaginu. -Og það verður hún að gera STRAX.

Fátt um feita drætti

Hvaða rekistefna og er þetta út af einhverju alkóhóli? Það hefur hvort sem er enginn efni að kaupa brennivín. 

Menn sem sýsla með alkóhól eiga að vera friðhelgir eins og aðrir út- og innrásarvíkingar. 

Stórfellt smygl með vörum

Öflug neytendasamtök

Oft var þörf - nú er nauðsyn. 

Þjóðin þarf á öflugum neytendasamtökum að halda. Þau sem nú eru við lýði eru því miður handónýt. Hvað er hægt að gera í málinu? 

Stofnfundur Samtaka heimilanna